عمر ال شيبي
ظرب الابر مرصود عودن تفلّى= علم النفس يا خوك مطلب خوينه
الزلزال
العود كنه عن سمانا تخلى = ماكننا الي في حروبه نعينه
لا والله إلا العود يمي تبلّى = والله يجيب الخير والله يزينه
عمر ال شيبي
تدري عتاب الزين يمكن محلّى = دامك رفيق الذيب تسعد بدينه
الزلزال
العود فوق الراس لو هو تغلّى = الله يسهل له ليالي حنينه
عمر ال شيبي
ما هو تجني والمسايل تحلّى = صبرك على مقدوم يدك رهينه
قالو العتب يا زين كيف المسلّى = خيّط بها مجروح قلب الهوينه
الزلزال
حنا معه بالصدق محنا نتسلّى = ويبشر بكل الي يعطر يمينه
عمر ال شيبي
فيكم صلاح العين رحب المجلّى = صفح ٍ على منظور ليلك زوينه
الزلزال
هذا مكان الطيب هذا المحلّى = فطاحلة والكل يفدا بعينه
عمر ال شيبي
وانت الحبيب اللي هلابك مهلّى = يومن تغيب ايام نفقد سكينه
مبخون فيك الطيب سامي تملّى = لو هي بروح الورد تلقى عوينه
الزلزال
أنا اشهد أن الطيب فيذا المعلّى = في ديرة الي ماتولي سنينه
عمر ال شيبي
هذا مقال الزين فوق ٍ وصلّى = بيت الفطاحل كيف ركب السفينه
الزلزال
وأنتم معه بالطيب والطيب يملّى = ديرة فطاحل كل أبوهم تعينه
عمر ال شيبي
تسلم رفيع القول ما بك مغلّى = اعقال فوق الراس ملك اليمينه
الزلزال
الله محلى العود والعود يحلّى = لا شاف بعض علوم ردد سكينه
عمر ال شيبي
فيكم عماد السيف مطرق حِملّى = صوب الغلا والعين رقب الكنينه
الزلزال
والخاتمه يامرحبابك وسهلّى = والله ينور درب منهو نعينه
عمر ال شيبي
وختامها بالطيب زلزال خلّى = بيرق عريب الساس وسط المدينه