اقتباس:
المشاركة الأصلية كتبت بواسطة يزيد النمي
كالعادة يابو انس
شاعر جزل ما يقول الا القصيد الجزل
ياخي انت دائما تستفز القرائح
ياعميل الخير عن بدع المثايل ما تشطى=شاعر(ن) مثلك عن الجزلات ما اخطى وشطى
حالتك ياصاحبي عقب الهوى شيلٍ وحطى=الهواوي دايم(ن) فالحب في شيل وحطى
دام مثلي قلبك اخضر فالهوى لازم ينطى=ساطي(ن) باقصى ضمايرنا تفرعن يوم نطى
|
يايزيد الله بلانا في هوى الريم المغطى=لو تدثر في ثيابه والعبايات وتغطى
يلحقه قلب المشقى دايم بشيل(ن)وحطى=وكل حمل(ن)لوتثاقل له نزيد ولانحطى
الله اللي جمله في عيوننا حتى تخطى=كل حد وكل حاجز ولمشاعرنا تخطى
ضعفهن نافذ بقوه والدموع ان جت تسطّى=تطعن القلب الرهيّف ويتكهرب ويتسطى
أخي يزيد......
شكرا على المرور الكريم والمجارات الرائعه
سعدت بك كثيرا فلك وافر الشكر وموفور التحيه