[عبير الورد]

المشاركة الأصلية كتبت بواسطة علي سعود العازمي

السلام عليكم ورحمة الله وبركاته

أسعد الله وقات الجميع بالخير والعافية

بعد الغيـاب أللـي جروحـه أليمـه=رجعت من رحلـة عذابـي ومنفـاي
ومريت بالرحلـه الرسـومً(ن) قديمـه=في رحلتي صارت أبدربي وأنا جـاي
رسم اليتيم اللي رسـم لـه يتيمـه=اللي عزف حزنه على نغمـة النـاي
ناظرتهن نظـرة خصيـم الخصيمـه=وسجيت بالتفكير مع وقفـة أخطـاي
وتجمعـت مـن كـل فـج وخريمـه=قشر الهجوس اللي حدني على أقصاي
ياهجـوس غافـل والنوايـا سليمـه=وش جابني لرسوم همـي وذكـراي
لوكان ذكري مع (علـي) مستديمـه=ذكراه تجري مثل دمي مـع أعضـاي
معها مثل غصن(ن) يداعب نسيمـه=من قالك لعهـود الا حبـاب نسـاي
ذكرى غـلاي اللـي بقلبـي مقيمـه=عزاي بالذكـرى قصيـدي ومعنـاي
أن طاب نوم أهل العقـول السقيمـه=حطيت كوعي بأخـر الليـل مركـاي
يامعلمـه يصعـب عليـك أتعليمـه=الفكر سج وكوكب الجدي مرقاي
ماعـوم بمـواج البحـور العقيمـه=بعمق بحر للشعر عنـوان مرسـاي
واقبح بحور الشعـر بحـرالظليمـه=ماشرب منه لو راح عمري بلا مـاي
الحـر يفهـم والبهيمـه أبهيـمـه=وين أنت يالطيب منك نسمع الـراي
قلي تـرى قتـل المشاعـر جريمـه=يامنتهى الشكوى لك أبديت شكـواي
وبعد الغياب اللي ملى الجـو غيمـه=رجعت في رحلـة عذابـي ومنفـاي

صح لساااااااااااانك ملياااارات سلمت وسلم منطوقك الجزل
ربي يعطيك العافيه