عمـــــر
الريش اللى ما يطير بهوانا =ماله علينا واجبات المناويش
الزلــــزال
الريش قفى ياعمر من سمانا = واليوم حنا له نطالع دراويش
عمـــــر
يبقى ذكيره والحنايا روانا = عقب الفلا يا زين مالك مناقيش
الزلــــزال
الله عطاه الخف والله عطانا = كل الحنين الي بدربه معاريش
عمـــــر
صيدك نعام الود ولا حمانا = يا مندرى زلزال ناوي على ويش
الزلــــزال
راع الغلا والحب طلق بلانا = ماينحني وورود قلبي مفاريش
عمـــــر
تلقى بديله والرفايد زوانا = مير الصبر يا زين قلبك محاويش
الزلــــزال
صيدي علالي مايدور هوانا = أصيد لكن دون روغ وتشاويش
عمـــــر
اقدم بفخر الصيد واسحر جمانا = تلقى رحيبه من طرايف مناويش
الزلــــزال
اغلي حبيب القلب دامه غلانا = واذا مطنش جيت يمه طناويش
عمـــــر
اثقل على دنياك زود العوانا = تلقى المناجي من هواكم رعيش
الزلــــزال
لفيت قالوا لي مقفى حلانا = وغيري مجمع له من الحب تحويش
ثقلت يالشيبي وزود عوانا = ومفادني كثر البكاء والمطاريش
عمـــــر
يا ويل صيد الروح يمك غوانا = تلقى قلبيك في طراويش المريش
اعفي غلاة القلب منك وبانا = طير ٍ على طرياك ما له تراويش
الزلــــزال
الله عطاك الصبر والله رمانا = يم الذي فاليوم سبعه مراويش
عمـــــر
عيش بهواك اليوم وسمع بلانا = سبعه عطاها الموت وين المعاييش
الزلــــزال
مالي يكود ادعي عسى الله منانا = ترجع وتبشر لو خسرنا المحاويش
عمـــــر
ان كان روح الروح يمي جنانا = اسمع رحاب الصدر دق المهابيش
فدواك مجد الريم ليلة شوانا = يا مندثر بالقاف شابت عناويش
الزلــــزال
الي شواك اليوم مثله شوانا = لكن طلبتك خل بالك طناويش
عمـــــر
ما لي طناش الحين حنت رغانا = حمه وبال الروح تعطي وعيش
الزلــــزال
الي صلاك اليوم مثله صلانا = مالك يكود أنك تردد ياشويش
راح الزمان الي نحبه زمانا = معاد باقي غير شلة مخاويش
عمـــــر
ليلك زهر حمر الخدود الوجانا = راحت على دار المقافي تحاريش
والعب على كيف الرحاوي حنانا = دامت عسيره ما لها من طقاويش
الزلـــزال
كفيت يالشيبي ونور سمانا = والله يجملنا على قاف بش ( ويش )
عمـــــر
الكم بياض الوجه رحب السمانا = لا دربها بدروب طيف المغاويش
الزلــــزال
والله يجمل داعي الي لفانا = والنفح يالله ماتجي للدراويش
عمـــــر
واختامها ترحاب باللي لفانا = نفحات لاحساس وداعي المناويش