هلا بالذي ما يعجبونه بنات الترك = ولو مثلوا دور الدلع والرومنسيه
بنات البلد عندك لهم في الجمال البرك = غزاله وحوريه ووضحى وريميه
شمالية فيها من الزين ما يجبرك = تغض النظر عن بوسنيه وتركيه
وجنوبيه تحمل مصايبك وتجبرك =وتعطيك فوق الحب عطف وحنيه
وغربيةتحفظ لك الود وتقدرك = ولاهي بمن يعقد علاقات سريه
وشرقية ترقى بسمعتك وتكبرك =وتخضع مثل من هو يزور الحسينيه
ونجديه سرت من اوصافها منظرك = خلوقه ومحبوبه وللزوج مرضيه
هذولا بنات بلادنا ما عليهن درك = يرين الحجاب اغلى عفاف وحريه