[شجون القصيد]

.

. .

. . .

الله معاك ورافقتك السلاما = اللوحه اللي في شمال الابانات
قريتها هليت مثل الغماما = وين السلامه مالقينا سلامات
من فارق الخلان ذاق النداما = تهل من عينه على الخد عبرات
ومن فارق الخلان حظه عداما = لو يبتسم سنّه على القلب لوعات
ومن فارق الخلان زاد السقاما = يروح وقته في جحيم المعانات
ومن فارق الخلان ماهو ملاما = لو جر باعلى الصوت ونه وونات
ومن فارق الخلان نومه حراما = مثل اللذي صابه من الموت سكرات
ومن فارق الخلان روحه حطاما = ماهوب يسلا لا ورب الديانات
يالايمي في لوعتي والغراما = في حب منهو يسلب الروح بسكات
يالايمي جعلك تذوق الهياما = تعذر صويب القلب لا جر الاهات
يالايمي به وان هجرت المناما = عذرت من ماله على النوم مشهات
دامه هوا قلبي وغاية مراما = ابنتظر لو هي تطول المسافات
مانساه لين الروح تلقى الحماما = وعسى اللقا بيني وبينه بجنات