[داعي الشوق]

قالت لي انت بكلام الحب مشغلنا = و الله يعلم بحبك ساكن بجوفي
و اشوف نظرة عيونك لا تقابلنا = عني تصدد وكنك ما تبي شوفي
احتار قلبي بمن قلبه يغازلنا = اهواك ياللي من اجلك شانت ضروفي
قلت الأمر يالغضي ما هو يجاملنا = ياللي غلاكم بوسط القلب مشيوفي
اخشى من عيونك النجلات تقتلنا = لامن نظرتك ترا يزداد بي خوفي
نظرة عيونك بها سيوفٍ تجادلنا = وانا اتدرا الخطر لا صار مكشوفي
و لولا محبتك ما والله تنازلنا = ولا بذلنا من اجلك كل مكلوفي
أنت الوحيد اللي بحبه تعاملنا = ياللي جمالك تعدا كل الوصوفي
يشيب قافي في وصفك لو تأملنا = ولو زاد حجم الورق تتزاحم حروفي
و ما دام بالحب يالغالي تبادلنا = ارجو حنانك علي يازين وتروفي