اقتباس:
المشاركة الأصلية كتبت بواسطة ابو أنس
مدخل ...........
عقب فتره وانقطاع ن عن وصال=اشغلتنا فيه دنيانا الغرور
آتقدم باعتذاري والسؤال=عن جميع اللي مواصلهم سرور
ثم اسلم والسلام احلى مقال=مدخل ومفتاح لاسباب الحبور
النص.....
نغمة الإرسال عندي بالمجاز=طق باب وقلبي ان طقطق نقز
احتري من صاحبي شيئ مجاز=بس مرساله تحير واحتجز
وان سألته عن سبب هالإحتجاز=قال ماهوكره أوضعف وعجز
وانت تعرف بيننا سد وحجاز=والمشاعر لك بميدان اللزز
لاتظن ولاتخاف من الحياز=العهد مصيون لو ماقد نجز
واعرف انه مابه لحبك مراز=راجحن ميزان حبك ماقفز
في محاريك يغشاني خاز باز=وانتظر مرسالك الغالي وأفز
واقعد لحالي وانااقرا باحتراز=خايفن من حاقد اوكلمة غمز
قلت ياخل ن حمل اعلى طراز=حبك بقلبي تمكن واكتنز
ثم فاض وصابني منه اهتزاز= صرت اشوف الناس تغمز وتهمز
ابوأنس
سعد
|
..
يارفيق الدرب وان حل المجال =اذكرك بالخير ياواف الشبور
واعتذارك واعتذاري ذا محال=المواصل واجبٍ قبل القبور
وردنا لك بالسلام بكل حال=ياوسيع العرف يالقرم الجسور
اخي العزيز الغالي شاعرنا القدير سعد الحسن سلمه الله
ياحي هالشوووووف ياأبا أنس
ومليون مليو ن صح لسانك
وعلا شانك
قلت واجزلت
كعادتك ماتجيب الا الجزال وانت راعيها
لله درررك ولافض فوك
ولاعدمناك ايه النقي
تقبل اجزل التحايا وفائق التقدير