صلوا على النبي (اللهم صلي وسلم على محمد )
سافرت ماودعتني ولاقالت وداع=وتركتني لارساله ولاحتى اتصال
هاذي اللي كانت تقول لي في كل ساع=والله ان يموت قلبي وحبك لايزال
يوووه ياكثر السوالف وياكثر الضياع=دام مااللحب لول بحاضرنا مجال
احذري يانفس واخذي من الدنيا متاع=وانتبه ياقلب مادام تاليك الزوااال
ياعيوني ليه تبكين ماللدمع داع=كفكفي دمعك ترى الحب صكاته ثقال
مابقى الا مابذلته وفوق المستطاع=ايش فوقه ؟والله اني تعديت المحال
مرة في البحر لابه سفين ولاشراع=ومرة في البر بين الصحاري والرمال
همت به واغويت نفسي بلحظات اندفاع=افرش القمرا بحضن الثرى وارسم خيال
واتصبر بالمقابيل واحسبها شباع=واثرهاشبعاًبفرقا يهز اقسى الرجال
كم سهرت الليل والناس من حولي هجاع=واتحرى الوقت يمضي وتسعفني الرحال
ضاع ليلي ضاع يومي وعمري ضاع ضاع=واستدارت شمس حبي وراحت للزوال
مادريت ان آخر الحب حسره والتياع =لين ذقت من الليالي علوم ماتقال
وليت حب راح يوخذ بزندي والذراع=كان يابخت الجنابي ويابخت السلال
خيرة الله والمقدر لزوم انه يطاع=وياوجودي وجد مجحود ساعة لرتحال
والنهايه ياهل العشق دام انها وداع=اسمعوا ذا القول مني اذا مجحود قال
والله ان الحب لابه ذليل ولاشجاع=ولايفيدك لو تعزويت في عمٍ وخال
ووالله ان الجرح في القلب فوق المستطاع=والصبر على المقاسيم من طبع الرجال
وسلامتكم