اجرحي استاهل اللي بي يصير = انا من سلم حياته لحضرتك
كنت احبك موت وكنت انا اغير= من النسايم لو هي مره مرتك
كنت اشوفك ورد وانفاسك عبير = وللاسف اشواك صارت عشرتك
غيروك الناس وضعاف الضمير= واختلف طبعك ولا ادري اش قصتك
انتي اللي قد قلب عمري سعير =وكل يوم اكشف جروح امحبتك
لايابنت الناس ماني لك اجير = او مسخر من زمان لخدمتك
جابني شوقي وقررت المسير = و حظي العاثر رماني بسكتك
كنت اظن الدرب مفروش بحرير = وللاسف اوهام صارت جنتك
مابي منك شي سيري انتي واسير= لا تقولي شي وفري كلمتك
اشكرك من قلبي مشكوره كثير = ولاتظني تفرحي في لعبتك