اللي يقول بهفـت مقيـط ورشـاه = اقول له فـي حفـظ ربـي وعونـه
واللي هنتني لقمـة العيـش ويـاه = ماياصلـه منـي كـلام المهـونـه
قلته وانا مصدوم باللـي وصلنـاه = لا واعسـى الخـلان ماياصلـونـه
ظنيتني حبه وشوقه وملجاه = اهله وخلانه وقلبه ونونه
واثري صفر من ايسر الرقـم خـلاه = ماصـان قلـبٍ بالمـوده يصونـه
يبشـر بسعـده دام عـزم بفرقـاه = من يطرد المقفيـن تكثـر غبونـه
لو ان عيني تسرب الدم مـع مـاه = ماقلت أنا وينه لـو المـوت دونـه
خلـه يولـي يـوم هـذي نوايـاه = والله يعينـه دام سـاءت ظنـونـه
ياهاتفـي كـز التحـيـه مثـنـاه = للي عن دروبي نحت بـه ظعونـه
قل له انا محتاج لـه ويـن ابلقـاه = ماشفت من عقبـه قلـوبٍ حنونـه
وجدي على شوفه وصوته ولامـاه = وجد الخلـوج حوارهـا يذبحونـه
ووجدي على هزله وجـده ولقيـاه = وجـد الغريـق الـ .لابتـه يطلعونـه
بشكي عليه الحال مااظـن تخفـاه = وانا ادري اني بالغـلا فـي عيونـه
ليته يشوف القلب والهم يغشاه = ولاعاد لـه مـن خـوةٍ يرحمونـه
اللي خطف جوّي نوا اليـوم يسـلاه = وزود كلامه فـي خفوقـي طعونـه
لاعــاده الله ليتـنـا ماعرفـنـاه = مادام ماحافظ علـى اللـي يبونـه
لااتفه سبب!! في روحة مقيط ورشاه! = لكـن عليـه الله وحفظـه وعونـه