[نجم الإبداع]

اجتمع في البر نمر وذيب ثمن جاهم الاسد=والثعالي حولهم وابو الحصين وناقة البسوس
قال نمر الغابه نبغي الراي في عينن من الحسد=صابت الغابه عيون الحسد واعمتني عن الهاجوس
قال انا عندي بصيره نقطع الاشجار لين يبيّن الجسد=ونراقب كل من يدخل حدود الديره والمدسوس
عقّب الذيب الذي ماعنده الا عين فيها حبل من مسد=قال انا شوري عليكم ترفعون السور والتروس
والاسد واقف يفكر ماقتنع بالراي والمصروف مايسد=والتزم بالصمت قال الثعلب الفكره معي ونهاية المكوس
قال هات العلم يابو حصين علك بالليالي للغوى تسد =قال للثعلات سحر وفي هواهن يظهر المعسوس
يالاسد عطهن مفاتيح البيوت وخلهن يدخلن للمسد=واستمع منهن للقول الحكيم وخل راعي القوس
والاسد من طيب قلبه سار في دربه على الفسد=طاوعه واعطاه مفتاح الديار وصار له جاسوس
حاك له كل السفاين لين حل الغابه الكسد= واشترى له بشت واعطاه العقال وقال حد الموس
قال له يالثعلب المكار اشوف الناس متونين بالوسد=قال لاتهتم وانا دون حد الديره والثعلات في الطقوس
عيّشه في حلم زوّر كل مرسولن وكل سد=طاوعه واعطاه ملك الغابه والثعلب بتخطيطه يحت الروس
والنمّر والذيب من فوق المراقب ترمق المسد=والاسد في نومت اهل الكهف مايدري عن المحسوس
عقبها ثارت وحوش الغابه واهتز الاسد وسد=يوم ناظر مالقي بالغابه الا النمر والذيب وجوى النفوس
يالله اني اطلبك تكفينا من الفلات ياربي ولاحسد=في زمان العلومه شاخ الدخيل وكل مطلب صايرن منحوس