[عمر ال شيبي]

المشاركة الأصلية كتبت بواسطة احمد الجريفاني

الطيب راسخ في قبيلة (عتيبه)=ودك تأكد زود عاشر عتيبي
لو تطلبه روحه نهض لك يجيبه=يقول جاتك لو طلبها صعيبي
من حشمته لك تحسب انك قريبه=صديقهم يحسب بحسبة قريبي
نخوه كرم عزه شهامه وطيبه=ازريت لالقى با الرجاجيل عيبي
تشوف سلم شيوخهم باالشبيبه =ابو عشر مثل الذي فيه شيبي
محسود من يصبح عتيبي نسيبه=تلقاه دايم يفتخر باالنسيبي
تبرى جروحه لو جروحه عطيبه=ولا يهزه كل وقتن عصيبي
قاله ولد ( حايل ) ولاهي غريبه=مدح الذي للناس يهدون طيبي
(الشمري)يفخر بمدحة صحيبه=لا صار يستاهل وش اللي غريبي
ما يمدح اللي في مواريه خيبه=المدح يذخر للهمام النجيبي
ومن عشرته تسوى ولا فيه ريبه=وفي كل يوم يزيد حشمه وطيبي
قولي وكاد ودايم الكذب خيبه=ما قلت زور الله ربي حسيبي
من تجربه صغت المثل في عتيبه=ولا انتقص من قال ماني عتيبي

لك الحق تفخر بكل اعربي اصيل
لا هنت والنعم بكل القبايل

الين انها قافيه وزين القصيد عسلها

صح لسانك لا هنت
وكما قلت ما يعرف الطيب إلا محاكيه طيب
والطيب طيبك ولا يهون الجميع