[عمر ال شيبي]

المشاركة الأصلية كتبت بواسطة الطائر المهاجر

كل نادي بلا قانون وضعه خطير= مثل بيتٍ بوادي يخدعك منظره
ينخش السيل ساسه لو تشوفه كبير= ثم يجرفه كنه قشةٍ في غبره
والفطاحل بقانونه ترى بالف خير= كل عاصف يعدّي مادرى بخبره
ماده اولى عدال الدرب باقصى المسير= لا جنح لليمين ولا اخذ لايسره
لا تزمّت ولا به انحلالٍ يسير= وفي نقاه يتحدى ثعلب و قسوره
ماده اخرى عداله لاكبير وصغير= الجميع يتساوى غير في المقدره
ماده اخرى وئام فلا هجاء او نفير= نزرع الحب نمنع كره او محقره
ماده اخرى اخوّه مثلها ما يصير= لا تشرذم ولا تمييز او عنصره
كلٍ واحد بنفسه حر دامه بصير= ما تعدى على غيره ولا كدّره
ديننا بالتعامل مثل قول البشير= والله اللي يجازي بنار او مغفره
وامرنا بالتشاور مثل قول القدير= ومن يحاول يشق الصف ما نعذره

جملتها واحسنت وطيبها موصول
وان شاء الله نمشي على الدستور بالمحبه والتفاهم

صح لسانك لا هنت