[عمر ال شيبي]

المشاركة الأصلية كتبت بواسطة مجدي صالح المبارك

حب ثاني

جايني ( ا ) باقة أماني

وحب ثاني

كل فرح هالدنيا بعيونك

وبشفاتك أغاني

ويني آنا من حياتك

وين عمري بذكرياتك

ماتخاف الله في قلبي

ياظالم

ياأناني

*******

ياقصيدة حب فيني

من بدايات الطفوله

من قبل تنزل رسالات الهوى

ويبعث رسوله

جيتك ( ا) من الشمس حافي

طاوي الليل وفلوله

شايلٍ همس الحناجر

والفضا كله خناجر

طامع بكلمه خجوله

ومرت الأيام مابينك وبيني

والهوى يكبر

ويتغذى على زهرة سنيني

وانت تنزع في جدايلها

ومتحير تبيني وماتبيني

ياترى مليت مني

من دفا قلبي وحضني

حتى تسعى لحب ثاني

وترمي ذاك القلب مابين المواني

*******

ياحبيبي ...

من على ضفة رصيف الصمت

برسلك رساله

حبنا المولود في محراب وادي الطهر

من داس ابتهاله

انت و لا من رشف صوتك

الى حد الثماله

انت ولا من عطى

من غير ماتعرف يمينه عن شماله

انت ولا من نحر لجلك

أحاسيسه وخياله

مات تغريد البلابل

وانطفى ضي السنابل

من بعد ماحطّ ميزانك

أساطير العداله

ياحبيبي..

ياحبيبي..

ياحبيبي..

لاتخلي من هوى بسجنك

وعجّل باغتياله

صح قلبك لا هنت ابد
يا سلام
ويا عيني عليك بارده