اقتباس:
المشاركة الأصلية كتبت بواسطة نجم الإبداع
ياذيب يالي يرمق امواقع الحال =لابد ماللوقت يوم انفتاله
قص الاثر والصيد في كل شنكال=مافاتك الرعاد واقبلت واله
خذيتها والكيف ياخوك فنجال = وانا من اصحاب الردى صرت داله
الي رماني بالردى رمي الانصال= ريموت له في كل ميناء سقاله
انا لقيته حولنا يسقي امصال= وامرحت ساعه مااعجبتني دلاله
سلمت ردو قلت وش قصة الطال=قالو ابد مابيننا من عداله
اقفيت قالو خير قلت الله الوال = واشوفهم في كل ليله جهاله
حاولت اصيِف وطالبوني بغربال=غربلت معهم ثم ساقو الرزاله
واسقيتهم من سم رده لما كال=وارسل على القمرا علينا هباله
عاملتهم بالطيب والصدق منول =واثر الردى فيهم مكين اختزاله
مابيننا الا الخير والغصن ميال = مالي بكثرة ميلته واعتداله
من الخيول الناس تمتص الامصال=والسم منه علاج وقت انتصاله
الي على الفتنه مع الناس فتال = ياشينها بين الخلايق خصاله
يالله طلبتك ثامن العشر بالحال=تهديني وتهدي معي كل زاله
|
صح السانك يافلاح والله يعينك على هالزمان
واستلم ياخوووووووووووووووووك اللي تبي :-
ياللي تقول اقوال واقوال واقوال=وتقول هذا الوقت فالت اعواله
ياكيف لونك صرت ريس وعمال= ومجهود من شخص وحيد الحاله
ان كنت توك داري جالك اهبال =وان كنت تعلم من قبل ذي سهاله
ولا انته بالاول يافتى الجود بالحال = كلن عليه من الولي ماجرى له
ولوكل منهو راد غزيه لها نال = ماعاد يذم الحض لا واعنا له
وهي تاليتها يافتى فتنة الذال = اقفاية واحماية وذي العداله
منت بصغير وذقت من وقتك اشكال = واللي يشوفك يحسبك نلت طاله
مثلك يوصينا جميع بالاعدال = ومحشوم من مثلك يجي بالخماله
والناس مثل الناس سالم وعيال = والرابح اللي سالم في حلاله
ولو نلتفت لكل نازل وشيال= نبطي وحن نطرد سراب وخياله
وابليس حي دام الانسان مازال = يغريه لين ايطيح به في النكاله
والعاقل اللي ماسك خط الابطال = اهل العلوم الطيبه والشكاله
مثلك يقدي به عريبين الانسال = حيثك تعلم غافلين وهباله
الرد جاك محمل بفال وعقال=وما يعود للمرحان كون الخباله
واسلم ودم وخلها تموت ياخال =ويموت غرنوق الشتاء لامحاله