[نجم الإبداع]

المشاركة الأصلية كتبت بواسطة الطائر المهاجر

طيب وش قال القلب
كني سمعته يقول :

شيطانك اتعبني بدرب الصعاليك=يبي الهوى لو تنقطع به حبالك
ياما نهيتك كل فرض ووعيك= لكن هو اللي مسيرك للمهالك
الذنب ذنبك وما فعلته باياديك = فاستغفر لربك وافهم مآلك
دور على مسجد ونوره اتاريك= وصل القيام ولا تفكر بمالك
ومن قال لك اني بدربك بخاويك= خله اذا من نمت يركع بدالك
ومن قالت آحبك وانا ميّته فيك= عطها من الشلوت والقط نعالك

سلمت وصح لسانك
تحياتي

هذا المقدر وانت ماحدن يساويك=تفهم على الطائر ووقتك صفى لك
شقت العلوم الي اختفت والتعاليك=والي اختفى بالامس بان وبدى لك
احس منهم كيد والله واليك = ماجيتهم عاشق وراعي مسالك
ناظرتهم بين الحصاني دواليك=سلمت قالو ليه قاطع وصالك
قلت اشبكم قالو ترانا مواليك =قلت الخلاء يامجمعين المحالك
واليوم بان المختفي بين اياديك=والخط واضح فوق كل الممالك