متواضعه ارجو ان تنال اعجابكم
في زمان العولمه خارج نطاق الجاذبيه = يوم قطبي المحبه ماتنافر لو تشابه
جيت يمك شايله هم الليال السرمديه = اترجى ضي بدرك لوغشى نوره سحابه
الله اللي في ودادك خصني بين البريه = ليه تفتح لي دروبك لين ماقلبي غدا به
ليه تفتح لي دروبك بالوعود المخمليه = الله اكبر لا تواعد بالكرم وتصك بابه
صاحبي طوعت لك كامل حروف الابجديه = والضماير بك تغنى في حضور وفي غيابه
هيه ياللي مارحمني يوم تروى وجنتيه = تستقي من نهر دمعي لين مازاد ومشابه
هيه ياللي من وعودك طاح قلبي في يديه = وارجعه خوف العواذل لاتشوف اللي سطابه
مكتوي من نار هجرك زاد كيه فوق كيه = من ونينه كل ربعه زادوا هموم وكآبه
الله اكبر كنت اشوفك عاشقٍ مافيه زيه = وكنت احسبك بالمحبه مغرمٍ فيني صبابه
وان طروا قيس وغرامه اتبسم عنجهيه = عندي اللي فاق حبه لاعجب فيه وغرابه
اثر قلبي فيه تايه واثقٍ حيل بخويه = لاسقى الله يوم اغطي بالثقه حضرة جنابه