توهّقت مع ريمٍ لقيته ضحى الأثنين= سناء بارقه يرمي الشهب من ورا الشيله
لمحته وهو يمشي بدقّه من الكعبين= لها رنةٍ في القلب تفتح مداهيله
والى من تقدم التفت خايف من العين= واذا من تأكد لف مع كل تحويله
بلا شعور تابعته وفي مفرق الدربين= رميت التحيه ردها ببعض تسبيله
تأملت في وجهه وغطاه بالكفين= وبدا بالتصدد كنّ ناوي على حيله
وقرّبت منه اكثر ولا زدت عن مترين= وشفت العجب واثري مثل ماشي بليله
مخرب تسلل ما دريته من الحوثين= اليني لمحته والشنب بان تظليله
غطاء الوجه في ظني سلاح وذو حدين= فكم حصني يخفيه ما بين لذيله