[الخنساء]

المشاركة الأصلية كتبت بواسطة احمد الجريفاني

لوعني الوجد عقب فـراق خلانـي =
لوعني الوجد قلبي ويش اسوي بـه =
يا حسرتي كيف من حبيت يجفانـي =
وانا الذي دايمن روحي تهللـي بـه =
يقول تقـدر تبدلنـي بأحـد ثانـي =
وانا الاسير الذي يرضـى بتعذيبـه =
من عقب ما صغت فيها اجمل الحاني =
واهديت له كامل الاحساس والطيبـه =
تقـول عـادي اذا حبيـت تنسانـي =
انا جمالي كثيـر اللـي يغنـي بـه =
ما فكرت في دموعن تجرح اوجانـي =
ولا بدقـات قلبـن يجـرع مصيبـه =
ولا زيارات حبن جيـت لـه عانـي =
ولا خفوقن قضى عمره يهذري بـه =
سمعت با الغدر ما شفتـه باعيانـي =
واليوم شفته قبـل تاصـل مناديبـه =
ما للكذوبات امـان بكـل الاوطانـي =
ولا للهوى خط واضح لجل نمشي به =
حـب التسللـي يجيدنـه باتقانـي =
من تعشق الصبح ماتلقاه تمسي بـه =
كيف الذي يزرع الاخلاص ينهانـي =
ما يصفي الود لا صار الغلى ريبـه =
من يجزي اللـي يودونـه بنكرانـي =
ما له بدنيا الوفا قـدرن ولا هيبـه =
قلبي على شاطي الاحـزان رسانـي =
يجرحني الحزن يوم ويوم اماري به =
مع كل هـذا انـا مانـي بندمانـي =
اعيش دنياي لـو كثـرت عذاريبـه =
اللي ذهلنـي وحيـر ني وبكاني =
قلبن جرح فيه كيف يعود يغلي بـه =

صح لسانك مليون ولايكفون

قصيدة جزلة من من شاعر متمكن

سلمت ودام حرفك