لقيتك اوّل الخطوه واناخرمن لقاه الكون=تقول ان الفرح دربك واقول ان السفر عنوان
يلونّك الحيا غيمه على برق ورعد ومزون=واشوفك تجمع كفوفك على ايديني مطر واغصان
ابادل حيّك الميّت مكان ومن جهه مسكون=كأنك بالنّفس تزند وريد ويقدح الشريان
تبادلنا العشم دنيا على ناس وعتب مسنون=دموعك وان شعل بوحك اطفيّها وانا بركان
كثر ماعمرك وعمري كثير ولا نثنينى دون=توارث ريحنا و موج القوافي حرفنا المليان
بكى وضحك السراب اللي خياله بالشكل واللون=تناولت الغلا عشق وتعاطيت الشعر قيفان
نثرت اوراقي وصارت على صوتك لحن موزون=قبل تحرق بها ليتك تصير لنارها دخان
لقيتك لآخر الخطوه من اوّلها معين وعون=مداد و فكرةٍٍ فيها تغرقني وانا عطشان