[فارس القوافي]

قفّلت دنياي كلّ ابوابها = مابقى لي باب يفتح وافتحه
آه منها كيف يذبح نابها = دمّرت قلبي وقامت تفضحه
كم تجي طعنات لي بسبابها = وآخر الطعنات خلّي اجرحه!
قمت من زود العنا واعطابها = اجرح المحبوب واقسى واذبحه
ضاعت آمآلي وطلّ غرابها = وانقتل حلمي قبل ما أفرحه
ماتت الفرحه وذقت اتعابها = صعب حالي مقدر احكي واشرحه
ليتها تعفي وتنسى ما بها = ليتها تغفر وقلبي تسمحه
كم عشقت عيونها واهدابها = وردةٍ تسبي الفؤاد وتشرحه
ودّي احضن شالها وثيابها = قبل مآ اودّع وموتي المحه