[الخنساء]

المشاركة الأصلية كتبت بواسطة متعب السميري

ياخايـن العشـرة ترانـي تخليـت = وفرقاك فيهـا أسـوق كـل البشايـر
البارحـه كفنـت حبـك وصلـيـت = وطويت صفحـة عشرتـك فالمقابـر
ياماعلى شانـك صبـرت وتعنيـت = وكم مرة(ن) لأجلك كسرت الخواطر
ارفعك بيـدي فـوق لكـن تدانيـت = هاذي حياتـك دايـم الـدوم عاثـر
بس انت قلي وش بقالـك ماسويـت = ماحتاج اوضح لـك مدامـك تكابـر
ياما على سلك الخطاء رحت ثم جيت = وانا احسب(ن) السلك ماهو بقاصـر
أثر الخطاء قد فتـت العظـم تفتيـت = وانا على بلـواك ساكـت وصابـر
لا وخسـاره يـوم ناديـت لبـيـت = جيتك من اقصايه على الدرب عابـر
اليـوم ماينفعـك يالـيـت يالـيـت = لو تذرف ادموعك من اقصى المحاجر

صخ لسانك مليون ولايكفون

قصيدة جزلة من شاعر جزل

سلمت ودام حرفك