[الخنساء]

المشاركة الأصلية كتبت بواسطة فارس القوافي

البارحه ماني بصاحي وابد ما ني بمجــــــــــنون = والنوم من عيــــــــني سرى ما تهنّت به عيوني
صحيت من ناس ٍ على طرق مســــحوب ٍ يغنّون = وازريت حالي يوم شفت الغضي جرّ اللحوني
سمعت صوته يوم يضـــحك ويتهادى على الهون = للحين نغماته صداها بســـــــــمعي يطربوني
صوته شلع روحي وحكـــــيه درر ما يعرف الدون = ذوّب خفوقي عطر الانفاس واستشرى بكوني
واليوم جيت اكتب قصيدي على طرق ابن لعـبون = بهــــــديه للي مادرى وش تخبّي له شجوني
ذاك اللذي من يوم يومه وقـــــــــلبي فيه مفتون = من يوم جاني في بريد الهوى يشرح فنوني
جاني وانا سارح ولاهي مع ربع ٍ يســـــــــــــلّون = واشغل فوادي بالمـحبّه وسِبْت اللي يبوني
شقّيت له صدري وبآقــــــــول له عن سرّ مكنون = ياما تمنّــــــــــــى غيره البوح لكن ما سبوني
مآريد غيره لو يجــــــــــــــــيني بداله ألف مزيون = القلب يهوى واحد ٍ لو عـــــــطوني ما عطوني
واليوم انا ماني بصاحي واكيد اليوم مجــــــــنون = والنوم من عيني سرى ما تهنّت به عيوني

صح لسانك واعتلا شانك

قصيدة جزلة من شاعر جزل

سلمت ودام حرفك