يعين الله على هجرن توالا من ثلاث إشهور=على بالي ثلاث إسنين عيني من يهنيها
مايدري كيف عااندته بشعري والعناد قبور=حفرته في يدي والشوق ناره مـن يطفيهـا
جبرني ع الحفر وانا على حفر القبر مجبور =يحاسبني على الفرقاونفسي دوم ناسيها
وش اجبرني على تركه ؟جبرني خاطرن مكسور =جبرني منظر الدمعه بعين الصدق قاريها
روايه من رواياتي كتبها قلبي المغرور =كتبها بفن ماسأتي على باله يسليها
ترفق في كتابتها وحاسب قلبه المقهور = أخاف تعيد ه النكسه وهو جالس يواسيها
وانا اللي جيت أبعلن له بحب وكبريا وشعور = أماني ضايعه واليوم فالأعياد ننعيها
رحل أغلا غرامي والغلا مابات له محضور= وتمنيت الرجوع وسكة الحرمان ماشيها
خذتني عزتي مع درب لا مايل ولا ميسور = تمنيت الرجوع وعزتي تابي وأنا أرجيها
ماكل إنسان يشفع له غلاه ودره المنثور = مدام إن الجفاء غرسه ثمر والنفس تجنيها
تعلمت المواجه لو غطاء موج البحور بحور = نعيش بعزة المجد التليد ولا نعاديها
لوني عشت في حزني أقابل واقعي بسرور = أعاند كل لحظات الجنون اللي نباريها