[الخنساء]

المشاركة الأصلية كتبت بواسطة عبدالعزيز العقيدي

يا بندر العشاق محلا شواطيك=***لأجل أنا بالحيل شوقي سحبني
جدفت لك بالود مغرم وهاويك=***وراشب غزير اليم هاج ولفحني
ليمن بغيت أرد أرسي بموانيك=***وجهت لك سيري وحنيني سبقني
حتى النوارس فوق طارت تحييك=***وهديل طير البحر هاج وفضحني
يااللي بجماله زان وأزهت مرافيك=***يترقب وصولي ورمشه شبحني
تدري بشعوري كيف يوم ألاقيك=***أحس قلبي طير و رفرف يغني
يقول كثر الموج والبحر يغليك=***و عنك أبد ها الكون ما عاد يغني
حتى بخيالي قمت يا غر أناجيك =***وأسأل خيالك كان كثري تحبني
يا من تملكني بطيبة معانيك=***شوقك حبيب الروح والله ربشني
حتى سهرت الليل وحدي أغنيك=***وان زاد فيني الشوق صوبك ذبحني

صح لسانك واعتلا شانك

جزلة من شاعر متمكن

سلمت ودام بوحك