[عرق الماس]

المشاركة الأصلية كتبت بواسطة عبدالكريم العياش

ياطّيب القلب يالوجه الوديع= ياصافي النيّه وش اللي تبي
أكبح جموح الشعور السريع = والله مابين خلق الله نبي
خايف أنا وأنت بالسكه نضيع = رغم أنّي ماأكذب ولا تكذبي
لو نسرق من الزمن زهرة ربيع = وصحى بناصبح ليل(ن)معتمي
ماهو أنا بس أو انتي نضيع = ويسّود وجه الحمامه والضبي
قلتي جبان وخايف وماتطيع = وكل الذي قلتيه يابنت بي
بعض المواقف يخاف بها الشجيع= ومايكرّر الغلطات غير الغبي
وأنا من اسنين بالسكه صريع = وشايل معاناتي على منكبي
وياكثر مامات بالخط السريع = من بعد ماسار به كل أجنبي
ورغم أنفتاحي على الكون الوسيع = لازالت الصدمه تهز أركبي
شرحت لك كلّي قدر مااستطيع = وقولي وش الراي يابنت الضبي
قالت شريتك ولايمكن أبيع = أبيك لي أخ وهذا مطلبي

حضرة الأستاذ عبد الكريم...

رائعة جديدة تضيفها إلى روائعك..

تسلم يدك...دمت بكل خير..