ياأجمل ذكريات الأمس منكم خافقي مكسور=يا صرخه في توالي الليل تنزف ويل مقهوره
إذا هام الفؤاد بغبّة الذكرى تـرى مجبـور=واذا سالت دموع الغيم فيكم حيـل معـذوره
بعد فرقة لقانا أصبحت كـل الليالـي بـور=و أمسى طيفكم يجرح سنين الحب وشهوره
أبد لا تسأل العاشق عن اللي بالحشا مستور=ترى هذا السؤال يطلّع المطعون عن طوره
أنا مابي وعد زايف يجيني بالمسا مغـدور=و أمسح عبرته بناي الزمان وينطفي نـوره
ابيك تكون في همس المشاعر للمحبه سـور=وابي قصة هوانا تقلب التاريخ فـي ثـوره
ابي شمس الوصل فينا تغطي عتمة الديجور=وابي ذاك الجفا منكم يمـوت وينتهـي دوره
ليلة الأثنين 27 / 7 / 1430هـ