ياوجه الخير ياحبٍ بديته من جديـد وتـو=على وضح النقا والطيب ماهو حب سمساره
ملك قلبي ومهجة خاطري بدلالـه المحلـو=معاه اصبحت كني مـالكٍٍ الكـون باقطـاره
احسب اني بها الدنيا ماعيش وهاجسي في جو=واثاري رحمة الله لاعطاها وجات مدراره
تنسيني الهموم اللي تمسي بي وكنها ضو=ولا تبرد دقيقه والعرب بالحال محتاره
ياوجه الخير ياريم الفلاة اللي تجوب الخو=يذيرها الهوا وتخاف كل الظل واشجاره
عنود الصيد اهي الفيد اذا عدو واذا طرو =اصيله من اصايل مادغلها غش بتجاره
سلام الله عليها عد من حجو ومن ردو=عدد حصم الرمال وعد ضلع بنجد واحجاره
رماني رمية منها قوي الباس مايعلو=وشبكني ثم جذبني جذبة اهل الغيص بحاره
ملكني بحسن طبعه والدلال اللي عليه اضفو=عقل ومكمله بالدين وريح الهيل واعطاره
صحيح الصبر زين وكل من هو صابر ويرجو=عطى رب العباد ايجيه كل الخير وانواره
حمدت الله سبحانه وصحيح انه اذا قالو =كريم لاعطى يعطي مامده بقطاره