ياجماعه شفت لي موقف حزين=انجرح قلبي ودمع العين سال
شفت من هي جالسه تنظر بعين=الآسى والحزن فيها يارجال
شفتها تبكي وتمسح باليمين=دمعة(ن) من عينها مثل الجبال
قلت هدي الاتزيدين الونين=والحزن خليه يابنت الرجال
قلت ممكن لو سمحتي توضحين=وش حصل لك لاتزيدي الانفعال
قالت اسمع قصتي والعلم زين=استمع في قصتي يابوجلال
قلت حاضرانتي دايم تامرين=وستمعت لقصة(ن) مثل الخيال
قالت هذا قصتي طول السنين=قصتي يضرب بها كلاً مثال
ارتبكت وقلت ياالله يامعين=صبر اللي همها بالقلب جال
انصحك لايافتى خلك فطين=قبل تاقع كارثه يابن الحلال
المره وجت بكلمه وكلمتين=افهم الموضوع ودرس كل جال
وان شكت من والدك لاياحسين=لاتجاملها وتشر بالعقال
او تقول امك تخاصم كل حين=ما تبيني شف لنا منزل لحال
لا تصدقها وتحلف ياعوين=انك تغليها وهي بدر الهلال
كيف ترضى في فراق الوالدين=انشدك وارجوك جاوب عالسؤال
خالقك ربي من الماي المهين=صرت ثروه عند ابوك وراس مال
امك اللي تحرسك من كل شين=كيف ماتلقي لها ياشيخ بال
امك اللي بالقساوه وكل لين=صامده واتعبتها بسود الليال
ما استمعت لقول سيدنا الامين=امك امك ثم امك ثم قال
الابو فضله علينا اجمعين=كم سهر من اجلنا وكسب الحلال
وفي النهايه اطلب رب العالمين=نكسب رضى والدينا يارجال