الابلغو من صاب قلبي بسهم الموت=سلامي وشوق الروح لاجاوز الحدي
ينام الخلايق واسهر الليل دون القوت =وقوتي من انفاس الذي باح به سدي
قلو له خفوقي صار من فرقته منحوت=علامه يقفي عقب ماحب ويصدي
وقولو تراني يالغضي لاقطعت الصوت=هواجيس قلبي كل لحظه لها لدي
تحيرت عقبه يوم شات المواصل شوت=وماشفت زوله يوم من عام متعدي
اذا طاب قلبك عن هوانا وطرد الفوت = انا والله اني ماسليت الهوى الجدي
يناجيك تالي الليل واصبح وهو مكبوت=علاجه وصالك يوم يامايس القدي
قطعت الوصال وخافقي صار بك مبهوت=وراحت ليالي العمر والجزر والمدي
تمنيت اشوفك واشربك مثل شرب التوت=وابل العروق الي الضمى هدها هدي
ولكن دامك رحت واتركتني محموت= عسى الله يسهل لك دروبك ولك ودي
بروحي رسومك باينه سيفها مصلوت=تقد الحشى من حدها يالغضي قدي