البارحة ما ادري وش اللي صابني واللي قريت=يمكن غشاني سحر ساحر بارعن بالميسري
فزيت واقف دون ما اشعر منتصب يو إهتويت=ودونت ماجادت هجوسي فيه لو كان اعثري
عوت ذيابه من بني اكلب وانا معهم عويت=ليه اقدحوا بزنودهم عندي وانا زندي وري
بيني وبين الربع عامل مشترك وسط الكويت=الله يسامحهم شعوا جرحٍ بقلبي مابري
ناديت هجسن لي بعيد وفي دقيقة قال جيت=اجيب ماتبغيه شامي لازمك والاقطري
قلت الخبر يالذرب بالتفصيل يوم انك عنيت=ابو عمر شجاع غنا قاف بالتهمة حري
واورا قديحة واشعلت بغيت والا مابغيت=واونس حرارة صلوها من حاجزي لين انحري
ومما دهاني قلت اخاويهم لو اركب بسكليت=وامر من بين المراكز سر ماواحد دري
والمشكلة مادري يجي ترحيب مِن مَن به بليت=والا تجيني كلمةٍتصير قاصمة ظهري
والمعذرة يالربع انا بالحيل بالحيل اجتريت=لكن لي رغبة مع الاجواد اوسع خاطري