[طلال البدور الشهراني]

يالله يامن يرسل اغزير نوّه=ويعل بسيوله شعيبٍ سناوي
حتي يصير بعوده الهزل قوّه= ويشوف رزقه فالخلا كل شاوي
انك تزيل الهم والعمر توّه=توي شباب ولاوصلت المناوي
قبلٍ يزيد بوقتي الشين سوّه=ويلاحي الهقوه قريب الهقاوي
وقتٍ تناقص به رجال المروّه=اللي مراقيهم مراقي النداوي
عود خويي مايصون الاخوّه =ماغير يرقب من ورايه عطاوي
لو ان قلبه بالعلوم يتفوّه=ان كان فاح الحقد فوح البجاوي
روحه تقول اللي تسويه سوّه=ماعاد يدرا النفس دون البلاوي
ماوجع ضميري كود لبس المموّه=العود يابس واحسب العود راوي
لاكن انا بعطيه كيفه وجوّه=الين يبقى كل عدٍ رهاوي
فنكان طاولني بقلبٍ مشوّه=سجيت وخليته يعد الدعاوي
فمن زاد فالطاعة تزايد غلوّه=حتى يسمى فالملا عبد غاوي
ولانيب دابٍ يلتوي في ملوّه=انا مثل صقرٍ كفخ فالعلاوي
الطيب طبعي لازمٍ في عروّه=وانا لفعل الطيب طامع وقاوي