ف)سلام يالزلزال والست نفحات = يالي في الغيبات حدو السكاكين
ف)جيتك على غفله ومافيك حيلات = ياصاحبي وش لك وحش المساكين
س)يامرحبا واهلين واهلين لك جات = واعلم ترانا فالمعاني مساكين
ف)اعرفك ياخي دوم راعي طويلات= والحق بعض الناس يبغى مزكين
س)مالي ومال الي تجيني ملمات = ومالي ومال الي تدور وراعين
ف)ياصاح مالي بالعلوم المظلات = ولا اتهمتك وانت عندك براهين
س)عندي حنان الكون دايم ببسمات = اشوفها تسوى جميع الغوالين
س)الله يعين القلب لاجاه ظلمات = والله يعينك مع جميع الرياحين
ف)عارفك ذيب ولا تجي كل الاوقات = واليوم اشوفك جيت تبغى الوراكين
س)ابعد وجنب عن جميع المطمات = ابعد تراني جيت يمك على البين
ف)مير احذر الليله تجي فيك روعات = وتروح ناسي غترتك والذراعين
س)اعرفك شاطر في جميع السفارات = واعرفك ماترضى على القلب بالدين
ف)ياصاحبي خايف تضيع الملفات = ونصير نبحث عنك عند الزهارين
س)خلك بعيد اليوم دور منارات = تسلم من الي يم قلبك على العين
ف)ماني مبعد عن طريقك ولو جات = ام العيون الزرق والا ابو اثنين
س)القلب يامنشار قلبي بحرات = تكفى فديتك لاتزيد الطواعين
ف)ياصاحبي وش فيك حاير سلامات = سهود ومهود الليالي ولك عين
س)خلك بعيد اليوم زود ببسمات = ابعد تراني صرت يمك على الشين
س)مبغاك تزعل ياكبير العبارات = ومبغاك تصبح في عداد الملاعين
ف)ياصاحبي وش فيك بين المطبات = رفارفك صارت ترقبع على وين
س)ابغاك دايم في حياتك مسرات = وقول يامنشار ياقرة العين
ف)انته عزيز وماتجيك العيارات = الا على وضح النقاء وانت ناوين
س)اتعبني البطناج معها ملفات = وين الجمل سارح على وين ومنين
ف)اعرفك صاحي ماتفوتك مناشات = والرد وافي منك ياذيب يرضين
س)الله يقصرها على كل الأوقات = والله يسهل طرقة الي مهوين
س)نبي السموحه ودمح الي معي فات = نبي السموح لا تركز بتلحين
ف)الليل ساري فيه عدة مسارات = حدد مسارك وانت تدري بالاثنين
س)وشلك بكثر الوقف مابه إشارات = اعبر وخل الهرج يخوك بعدين
س)انته بحر دايم تجيب السمينات = وانا عليمي مالي اليوم تثمين
ف)مابيننا الا الود والمزح ساعات= واليا لقيتك راح من نفسي الرين
س)انته كفو دايم ولا به إشاعات = صنديد دايم من ظهور الزهارين
ف)اعرفك شاعر بحر يطمي البحيرات = والي يقابل مثلكم يقضي الدين
ف)شاعر محنك من سلالة شبابات= خصامهم يشقى ويبكي على الفين
س)الله يسهل لك كثير المسرات = والله يجيب الخير يمك على حين