السلام عليكم ورحمة الله وبركاته
.
.
.
شيً تشوفه في زمانك يســرك
وشيً تشوفه عقبها تطلب الموت
والسالفه شف ضحكتي ..! لا تغركـ
عز الله ان الصدر ضايق ومكـبووت
ناس كثر ماتحترمهـــــم تـــضــرك
تخطي وتترك بالصدر جرح منحوت
.
.
.
--------
يا صاحبي وان كنت عالذل صابر=ماذاق طعم الذل والله محاكيك
والا حكايت بآكر آجيك باكر=لا والله الا ابطيت ماني براجيك
اخطيت يومي قلت معدنك فاخر=اثرك صديت من الزمان وغدا بيك
اثره زمان اقشر وخايس وغابر=دامه به الخلان تخطي وترميك
لاكن وش اللي بكتبه والمشاعر=تبكي قهر لاتحسب الدمع يبكيك
ياصاحبي ودع قليبي وسافر =مالك مكان بداخله وش يبي فيك
خيبت فيك الظن واصبحت شاعر=من كثر طعناتك وانا اللي اداريك
بعض البشر يبغى لعرفه مخابر=متخفي بالحب همه يشاقيك
لاكن بقوله لك مدام انت صابر=دام الزمن ماعلمك../ من يربيك ..؟
خلصت عرضك ..؟حان غلق الستاير =ودور على منهو بهالوقت يشريك
عندي مقامك ماهو اللي انت خابر=عز الله اني مفرقك من مواطيك
.
.
.
كثر الله خير طعناتك وخيــــرك
ما يجيلك لوم بهمومي وعذابي
الخطا مني لأني طرت طـــيرك
والخطا منك طبيعي في غيابي