[نايف عليان الذويبي]

كتبت بماء الشعر لتروي عطاشا الفكر وحيارى الدرب فهل تقابل بالحب ؟
الى أبناء عمومتي الانقياء والى كل متذوق للشعر من قصر العمالقه هنا
بكل الاحترام والود

عذب القصيد اللي طرالك يابوفي=يطرب لعين مجدلات الظفيره لعيون حره ساقت النور للفي =يزعل من العشاق عميا البصيره أن قالها الله والتقى الحي بالحي =لكف عن عينك عباير مريره لاترخص الدمعه دخيلك ويكفي =تدور من حولي دواير كثيره اطرد سرابك والعرب تعرض اّلمي =واجحد صواّبك والمسائل خطيره واقف على بابك وناديك ياّهي =ماشفتلك رجاّل ضيّع عشيره الله حسيبك يالجروح الخوافي =كلن على همه يفصل عشيره ساعة صدفتك كل الأنوار تطفي =من مهرجاناتك تطول القصيره سريتها بين الجباّل الرواسي =لجل هنوف (ن) نارهاّ مستطيره وطقت على طار الغلا والشعر حي =مخلوق فيني أحساس لو أستثيره !! ومن بعد هذا ياحب .. ياحب .. تبكي ؟ =أنسى دخيل عيونك وماتديره !! من شوق مايوصف ولا مر بأنسي =ولا نصا حصه وطنش منيره أحساسي أكبر من شعور القوافي =يامملكة صرح الغلا يا أميره بعطيك قلبي والله الله على الكي =لاترحمينه داّم يعرف مصيره هذا قدر مثلي على النفس والغي =والفوضويه والعناّد .. وجفيره والسلك الأوحد بيني وبين نفسي =العلقم اللي صاّر حالي مريره تخيلي لو غبتي عن عيني شوي =تكبر بعيني كل حاجه صغيره أترجم أبياتي على نزف حرفي =مشاعر الراقين حلوه خطيره مضمون عن قولة منافق وواشي= مشحون بالافكار من زمهريره يطبخ طناخه حبر شعري ونزفي= قدير واقدم بيوتي قديره وقدمتها لعيال عمي وبناخي =حتى تصافحهم بوقت الظهيره وذا اذن المغرب مع النور تبدي =مع القمر تنسج علينا حريره وبعد صلاة الفجر بالضبط تسري =عبر الفضا وتجول في كل ديره قصيدتي بين الرجاجيل تبدي =محصنه عن كل كلمه حقيره يابنت هلي صافي الدمع هلي =وبقولك كلمه ولاهي أخيره تدرين روحي كثري الدمع ,, وابكي =أذا فقدتيني فقدتي عشيره !! وفطاحلة شعر النبط ماهي شوي = لازم تجيهم مفرداتي عسيــــــــــــره ومشكور يادكتور سويت كل شي = تقدح شرار الشعر حي الذخيره واعضاء هذا المنتدى نور عيني = احبهم في كل بقعه وديره

أخوكم / نايف بن عليان الذويبــــي العتيبــــي