[رفيعة الشان]

المشاركة الأصلية كتبت بواسطة داعي الشوق

لا من عرفت انك مع الناس مرغوب = و الناس من حولك حبايب و صدقان
و ساس التعامل بينكم حلو الاسلوب = ولا يعكــّر صفوكم كاينٍ كان
ثمٍ تفاجأ بالوضع صار مقلوب = أصبحت يالمرغوب جانى و غلطان
و انته بريٍ من هوى الشك و ذنوب = لاشك هذا الأمر مكروه يا خوان
يا شينها لا صار سالب و مسلوب = يصعب عليك الوقت و تصير حيران
و لامن طلبت ايضاح وارسلت مكتوب = ضاعت مراسيلك ولا جاك برهان
كن الأمر مخفي و جاء فيه ملعوب = يالله دخيلك من مواذي وقشران
عزى لحالك كانك اليوم مغلوب = ولا إقـترفت أيـة مضره لإنسان

انشهد ان لك يابيض الوجه اسلوب=اذهل ذوائقنا بعد شد الاعيان
وانشهد انك داخلي كنك تجوب=وجبت الكلام اللي قريته بالاذهان
من شافك الناصح كتب فيك مكتوب=ومن شافك حبيّب شرب فيك فنجان
لا صارت الدعوا كــ ..لاعب وملعوب=(لاشك هذا الامر مكروه ياخوان)
ولا تندهش لا صرت فالظهر مظروب=دنياك هذي كل من فوقها فان