لا من عرفت انك مع الناس محبوب = و الناس من حولك حبايب و خلان
و ساس التعامل بينكم حلو الاسلوب = ولا يعكــّر صفوكم كاينٍ كان
ثمٍ تفاجأ بالوضع صار مقلوب = أصبحت يالمحبوب جانى و غلطان
و انته بريٍ من هوى الشك و ذنوب = لاشك هذا الأمر مكروه يا خوان
يا شينها لا صار سالب و مسلوب = يصعب عليك الوقت و تصير حيران
و لامن طلبت ايضاح وارسلت مكتوب = ضاعت مراسيلك ولا جاك برهان
كن الأمر مخفي و جاء فيه ملعوب = يالله دخيلك من مواذي وقشران
عزى لحالك كانك اليوم مغلوب = ولا إقـترفت أيـة مضره لإنسان