يامل قلـب ٍ هفـه الـود هفـا=هفـه ولفـه وقتفابـه وهفـي
قلبي تولع مع هل الـرس قفـا=سبة هنوف ٍ تلها الـود شفـي
هيفاً هنوف ٍ هايمـه مستشفـا=هاضت وشاضت بالضماير تلفي
لفت معاويد ٍ بهـا الوقـت وفـا=يبست غصونه عقب ماهي ترفي
وقفت انا ويـاك يابنـت صفـا=جعل السعد لي من جبينك يصفي
يابنت انا لي بك مـرام ٍ وشفـا=وانتي من الخفرات يابنت شفـي
حبـك بقلبـي باقـي ٍ ماتوفـا=نبع ٍ على طول الدهر مايجفـي
حب ٍ شريف ٍ طاهر ٍ لك مصفـا=حفته عن الزلات يابنت صفـي=
هلت مزونه برقها اليـوم رفـا=اسقت عروق القلب من بعد جفي
حبـك بقلبـي وافـي ٍ ماتعفـا=رسايلـك مابيـن قلبـي وكفـي
طيفك يراودني علـى كـل نفـا=يسري مع الهاجوس وقول وفي
يابنت من هو مع هل الطيب وفا=ابوك وجـدك طيبهـم مايكفـي
متى يسارك فـي يمينـي تزفـا=وادعي احبابي بالفرح لي تزفـي