[حمود جارالله المزيني]

المشاركة الأصلية كتبت بواسطة الطائر المهاجر

هلا ومرحبا بك ياحمود
واضح انك مخضرم ، مانيب قايل تضاف لشيبان المنتدى
فهم كثر ولله الحمد
لغة عربيه شعر نبطي وفصيح هذا المطلوب للإهتمام بمنتدى الأدب العربي
ولكن وش جاب الإستشارات القضائيه للغة العربيه ، اللي اعرف ان خريجين الشريعه
كانوا يلتحقون ببرنامج الأنظمة بمعهد الإدارة ويصبحون مستشارين شرعيين وقانونيين
مما قد يدل على انك من نفس جيلنا حينما كان الواحد منا يدرس في كليتين في آن واحد ، وحدة انتظام والثانيه انتساب
عموما حياك ربك
وسعدنا بتواجدك معنا
مع أطيب تحياتي

الطائر المهاجر
هلا بك أكثر ..
أما ( مخضرم ) فنعم .. وهي خضرمة شديدة .. للماضي في
القلب ماليس للحاضر ولا للمستقبل من حشدٍ هائل من الذكريات
ومعرفة القدر الممكن من هذه الحياة بعد توفيق الله ..
أما ( الشيبان ) فوالله وأنا صغير ماعندي أغلى منهم .. إذا دخلت
المجلس اللي فيه شيبان أسلم عليهم وهم جالسين ولاأرى أسعد
مني وكل منهم يقول لي : ( يامالا الصلاح ) أو ( هلا هلا ياوليدي ) ..
وهالحين باقي لي دون الـ ( 50 ) كان الله كتب في الأجل بقية حول
( 4 ) سنوات ..
موضوع ( خبرة الاستشارات القانونية ) له حكاية سوف
أطلعك عليها مع الوقت بإذن الله .. لكن دراسة التخصصين معا
ما عاصرته .. إلا كان أبي أدرس هالحين ( ماجستير شريعة )
فود قلبي

تحيتي لك .. واحترامي وتقديري