[احمد الجريفاني]

حاولت اترجم نبض قلبي بقرطـاس=
لقيت قلبي با الضلـوع محبوسـي =
رجعت قلت لحامل الطرس لا بـاس=
لو تنتظر حتـى تزيـن النفوسـي =
يبدوا لي ان الوضع لا زال منحاس=
رغم ابتسامي صار يقـرأ عبوسـي =
تضاربت سود التفاكير بـا الـراس=
وانصب في ظلم العذارى هجوسـي =
من اولن ما هزني طيف هوجـاس=
ولايذكر الغربـال غطـى شموسـي =
مهما جذبني للمها عطـر الانفـاس=
او طرفها اللي با الرموش محروسي =
او عينها اللي كنها عيـن قرنـاس=
ما قد خضعت ولا ذكر لان قوسـي =
تظلم وتطلبني على الخشم تنبـاس=
لو بست قلب الخشم ماني ببوسـي =
الحب لاجا زيف با الرجـل ينـداس=
يصبح رحيقه مثـل دم الضروسـي =
الحب ما له عند الاحبـاب مقيـاس=
شعور الهي ماهو فكـرة مجوسـي =
ما اوافق اللي قال يبنى على ساس=
متعلمـه ساقـط بكـل الدروسـي =
بدايتـه رقـة احاسيـس واونـاس=
ونهايته بيـن الضلـوع معفوسـي =
كلن بكى ليـلاه والنـاس اجنـاس=
ناس بنعيم ونـاس تـوه تحوسـي =
من يفقد الاحساس ما يهدي احساس=
والحب ما يشرى بكثـر الفلوسـي =
يضيع مقدار الذهب عنـد الالمـاس=
وتموت صرخات الغلى باالعروسـي=