صاير تدرج كالمحاله = كنك فاهم بالمقصود
ماكو فرق في الرجاله = هذا سعيّد وذا سعود
لا تقرب يم الحباله = في الفخ اكبر من قعود
ربك يجيب العداله = وللظالم يوم موعود
كل يشكي من غرباله = في منفوحه وإلا العود
شاري العله من حلاله = وش لك في سهم مقرود
تزرع فجل في الحياله= وإلا تربي لك قعود
وخل الاسهم للدجاله = واضح ما وراهم فود
واحد يرقص في خلخاله=وآخر يسمع عزف عود
جحرٍ تبين خماله= مالك ترصد فيه نقود
عنزٍ ما تشمل بشماله = يرضعها قطو مطرود
روح لْشرق او شماله= تضمن رزقك يالمجحود