كتبت هذه القصيدة في رثاء وفاة ثلاثة من شبان العائلة توفى منهم اثنان في العام الماضي وهم ( فيصل السلمان ) و ( حسين النويصر ) والثالث قمنا بتأبين جنازته بالأمس وهو ( حسين الكشي ) وقد توفي في الرياض و كان يقطن لوحده ولم نعلم عن وفاته الا بعد يومين وأبوه وهو خالي في خارج البلاد ( ارجو منكم قراءة سورة الفاتحة لجميع ارواح المؤمنين والمؤمنات وبالأخص من ذكرنا اسماءهم )
ثلاث أقمار غابت عـن سمانـا=بعد ما لموت خيّـم فـي حمانـا
الا يالله يالمعـبـود لـطـفـك=بقلـبٍ ساكـنٍ داخـل حشانـا
دفنّـا العـام بـالآلام فيـصـل=ودمع العين قِـد غْـرّق لحانـا
فتى السلمان ماشافـت عيونـي=مثيلٍ لـه علـى واحـة هوانـا
جسورً لنثنـى وسـط المحافـل=تقول القوم هـذا الذيـب جانـا
ضحوك السن مملـوح المحيـا=كسا الأخلاق من ثوبه وكسانـا
رعى الله جرحكـم يـاأم خالـد=وثبّـت صبرنـا فيمـا ابتلانـا
وتوّه الجـرح مارفّـت جفونـه=واذا بالخنجـر الثانـي لفـانـا
سهوم البين صابت ولـد زينـب=وزلـزل صوتهـا جـوٍّ حوانـا
الا ياحسيـن يـاراس الفـتـوّه=ياصقر يحوم في عالـي سمانـا
ورثت امن المبارك كـل عـزه=جلد وعناد ثابـت فـي خطانـا
و من عيال النويصر دم حامـي=يثور بوَجـه مـن داس لردانـا
رحلت وباقي بالخفّاق صدعـك=الين الـرب يامـر فـي لقانـا
ومن اطراف الرياض اليوم جابو=خبر ولّع على الرمضـا لظانـا
حَسِين الخَلق والأخـلاق قالـو=عطاكم عمره واستودع حسانـا
غريبٍ قِد قضى من غير صاحب=وله يومين مـن فـارق فضانـا
الا ياخـال ياغـايـب عليـنـا=ترى رمح البـلا قصّـر مدانـا
الا ياخال عجّل فـي رجوعـك=مصاب حسين من همّـه عمانـا
يالايم عبرتي في حفـر خـدي=حشا ما مسّكـم لاهـب أسانـا
ولا لا تعتقـد انّــا جزعـنـا=علـى الإيمـان مازلنـا ترانـا
واذا طاب القـدر فيمـا عطانـا=اقول الله يحسـن فـي عزانـا