[الحميدي السبيعي]

	من الارشيف آمل أن تحوز على رضاكم جميعاً وللتواااااااصل في هذا الموقع الشامخ

قـال الـذي لا صـاغ قافـه وغـنّـا=حضّر عليه مـن الهواجيـس تسعيـن
تسعين هـا جـوس ٍ عليـه أحضرنّـا=كل ٍيقـول القـاف حاضـر وذا الحيـن
واختـرت منهـا كـل جـزل ٍ يـدنّـا=جـزل المعانـي لـي عليهـا قوانيـن
شاعـر ولـي فالشعـر منهـج وفنّـا=لـي منهـج ٍ واضـح بكـل المياديـن
أتـعـب وراء الـجـزلات واجيبهـنّـا=وأحسب أحساب اللي على الهرج ضارين
ومـن لا حسـب للهرج منّـا ومـنّـا=ها ذاك في عيون الريا جيـل مسكيـن
لو كان لـه مـن يمدحـه فـي زمنّـا=أخبول تصفق له على الزين والشيـن
ويـا للـي بيوتـك هابطـه لا تعـنّـا=خلـك مـع اللـي يعشقـون الكراتيـن
شـاهـد كراتـيـنـك ولا تمتـحـنّّـا=وأعرف تـرى للشعـر عـدة موازيـن
لا صـار تجهلهـا فحـن مـا جِهلنّـا=حنّا هـل الجـزلات يـا رايـب العيـن