[عدنان كريزم]

بسم الله الرحمن الرحيم


السلام عليكم ورحمة الله وبركاته



الله يميسكم بالخير يالربع


شحالكم ؟



بصراحه قصيده تحكي نفسها ...



لكن في موضوع وطلب معين ....



وموجهه للغالي القرم ابن خزيم ...



واقووول

بعض الحكي يخلق من الضيق بركان = ينفث لهيبه فوق كل الخلايق
احيان امّشيها على الكيف واحيان = تمشي ولكن في وضع غير لايق
القلب خالي لكن الهمّ مليان = عداد همي رفعته في دقايق
والليل شايف والمخاليق عميان = يمشي ولا ندري وينْ الليل سايق
البارحه زادت على القلب آحزان = ذكرى خليلٍ ما نسته العوايق
صاحي ونايم فيه يا خلق سهران = ضايق وانا ضايق ولو عشت ضايق
كانت مثل نومي إذا صرت نعسان = ولا قمت قامت قومتي قوم فايق
ذاق الهنا يومه على القلب خرمان = ويومه رحل ما ذوّق الفم ذايق
لو روّقت كن الهوى بعدها زان = واصبحْت انا من روقته دوم رايق
من بعدها ما طاقت الناس عدنان = حتى الشعر من عقبها ما هو طايق
لابن الخزيّم سنّد الشعر طوفان = يمكن يلاقي ما يفتّح غلايق
وأدري بأنه للشعر خير عنوان = يقدر يساعدني على هالمتايق
بعض الحكي يخلق من الضيق بركان = وبركان ضيقي إعتلى كل عايق

والعذر عى القصور ...