[بنت القصيد]

على اول مفرقن في ديرت العشاق لاقيته=صدفته بين عربان الغرام وقلت له ويش انت ..؟؟
ذبل ورد الكلام وجاوب ابصمت وتوحّيته=غرفت الحب من صمته أليني في هواه أدمنت
شرب كاس اللقا لينه ثمل بالشوف وارويته=تركته عاشقن ذابل من اصدوف الغلا ..وايقنت
على ان الشوق مهما زاد لا نامن عفاريته=بقاوم وانت قاوم ياغلاي بنفترق لا هنت
بقهويك الفراق اللي قدوعه ما تحاليته=وابي تقصر فناجيل الوصل يومك بها عربنت
على قلبن شقى واشتاق والايام مشقيته=تغربل لين آمن في مقادير الزمن وآمنت
وطيت ارض الوداع وكل عرقن بي جضّيته=نزف دم الوصل وازرا الخفوق يقول لك هوّنت
حنينٍ بي يصرخ لك عن العذال داريته=وجسّدت الجفا ليني حكرت الدور ..لك برهنت
انا برحل لو ان البعد هذا ما تهقويته = عليك الله لا تجزع من غيابي ولو ما بنت
تبا تلقى بدالي في ديارك من تمنيته = واكون الماضي اللي دون وقعه بالحيا ماكنت