السلام عليكم ورحمة الله وبركاته
كل عام وأنتم والامه العربيه والاسلاميه بألف خير
أهديكم بمناسبة عيد الأضحى المبارك هذه الابيات
المتواضعه متمنيه ان تنال رضاكم واعذروني على القصور
إحترت أنا بالعيد شتحب أكثر=يكون لك ذكرى لوأنه أنهدى لك
بهديك طرفٍ في لياليك يسهر=إلا غفا طرفك سهرني بدالك
وبهديك قلبٍ بالاحاسيس يشعر=يحن لي لامن تعذر وصالك
وبهديك شوقٍ بالمعاليق يسعر=لي جيت تنساني طراني ببالك
وبوهبك حبٍ بأراضيك يزهر=يبقى معك إن غاب طيفي بخيالك
ذا ماقدرت أعطيك وياليت أقدر=أوهبك روحٍ من غلاك تعنا لك