روح عسى سود الليالي تجازيك=دور هويك والتحق في مساره
اما انا ممشاي عاكس مماشيك=انا مضرى للعنا والعزاره
حاول تناساني ونا احاول انسيك=يكفيني من النار والله شراره
خلك مع التذكار يازين يكفيك=مالك ومال البهدله والمراره
دور هويٍ في حياتك يخاويك=في حارتك ودارك بجنب داره
نوب تشكاله ونوبات يشكيك=قصة غرام دايره وسط حاره
وماضنتي تلقا حبيب يصافيك=الود يامسكين ماهو تجاره
ماهو على كيفك الوقت يعطيك=مرة سنود ومرةٍ بأنحداره
نوب الليالي بالمسرات تغريك=واحيان تلقا من وراها خساره