اقتباس:
المشاركة الأصلية كتبت بواسطة مبروك بن ماضي
(أكبر قضية )
تسهرين جْفون غيرك ثمٍ إتروحي تنامـي=والشقا مكتوب عقبك بس للنفس الشقيـه
لي متى والجرح في قلب المتيم فيك دامي=كل ما جا يندمل جت منك لي أخبار سيـه
كيف ابتناساك واسلى ياحياتي ياغرامـي=دام حبك شغلي الشاغل ولي أكبر قضيـه
صدقيني مايموت الحب دام القصد سامي=بالوفا تبقى المشاعر دايما بالقلب حيه
كل ماطالعت بوجوه البشر شفتك أمامـي=قلت تكفى يازمن بالله توقف لـي شويـه
خلني أسعد بشوفت من لها الخفّاق ضامي=قبل مايجري علي في بعدها سهم المنيـه
أمسي احلم طول ليلي فيك ياغاية مرامي=مانتهى المشهد معي مازال للقصه بقيـه
من يقول إنك غديتي ماتثيرين إهتمامـي=أعتقد جاهل بحبي لـك ولاعنـده دريـه
لا تعيشين إبضنونك لاتشكيـن إبكلامـي=دامني لك قلت أحبك فالمحبـه سرمديـه
فوق حبي لك مع التقدير فائق إحترامـي=وأقبلي مني بعد أجمل سلامـي والتحيـه
عقب ماشفتك نسيت الناس مره والأسامي=صرتي انتي التاليـه بالذاكـره والأوليـه
مبروك بن ماضي
|
مبروووووووووووووووووووووووووك بن ماضي
وانا اقولها مثلك
صح السانك مدد بلا عدد
شاعر تسخر المعاني الى مافي القلب لافض فوك
شكرا لك على الجلة الطيبه
لاهنت اخي