رد: لعبه مسليه في قسم الطبخ .... !! [ مو
بناءً على طلب طريقة البرياني من احدى الاعضاء اقوله ابشر غالي والطلب رخيص المقادير كتبنها صح الطريقة: بعد ما نقطع الدجاج لارباع وننزع منه الجلد طبعاً من ناحية صحية كون نسبة الكرسترول في جلد الدجاج تعتبر الاعلى بعد الربيان واللوبستر نضيف اللبن الزبادي للدجاج وجميع انواع البهارات بالاضافة للبطاطس طبعا انا نسيت اكتب من ضمن المقادير (بادية_ غضاره_ زبدية_ حله) سموها مثل ما تبون اضفنا كل المقادير معاد السمن والزيت والبصل والحليب والزعفران والزبيب نقوم بيدينا وبدون قلفز نخلط ونخلط ممكن الزبادي يجي على يدينا عادي نخلط ونخلط خلطنا ويدينا كلها زبادي نخلي الخلطه على جنب لمدة لا تقل عن ساعتين عشان الدجاج يتشرب الزبادي لانه يعطي نكهة حلوه البصل الحار اللي يدمع العيون نقطعه طوال ونحمسه في الزيت الخفيف اللي قلت لكم عليه وبعد ما يصير لونه بني فاتح نقسمه لقسمين قسم نرفعه في الفرن بعدين بقولكم وش تسون فيه لا تستعجلون طبعا الدجاج اللي خلطنا بيدنا مع الزبادي جاهز صح نضيفه على نص كمية البصل اللي مازال في القدر طبعا النص الاول في الفرن ونخليه يطبخ على نار متوسطه الين ما يستوي الدجاج واذا احتاج انك تزيدين موية زيدي كاس مو مشكلة اهم شي ان الخليط تكون مرقته زايده وبرضو بقولكم ليش لا تستعجلون صلو على النبي الرز نطبخه نص استوي طبعا الخليط جالس يطبخ ونقوم نضيف الرز اللي مستوي نص استوى على الخليط واذا انتي مكثر الزبادي واحتجتي تزيدين موية نص كاس ها المرة طبعا لازم تراقبين الملح بعد ما كبينا الرز نخليه يطبخ على نار هادية من 10 الى 20 دقيقة فقط ولا تقلبين الرز انتبهي الحليب يكون جاهز في كاس وعليه الزعفران والزبيب منقوع لمده 5 دقايق في موية بعدين تصبين كاس الحليب على الرز داير مادار طبعا ها الحين كل شي استوي اخر شي ممكن تزيدين السمن كل شي جاهز تبدين تقلبين الرز الين ما ينمزج مع الخلطه وتنشبين وتضيفين البصل اللي في الفرن والزبيب والسلطه على كيفك وبالصحة والعافية